KRALENDIJK- Den transkurso di djaluna, polis na Boneiru a publiká vários pòtret riba nan página di Feisbuk, mustrando artikulonan ku ta procedente di robo i ku a wòrdu konfiská. 

“En konekshon ku un kaso andando na Boneiru, Kuerpo Polisial Hulanda Karibense ta buska doño di e siguiente artíkulonan. Den kaso ku rekonosé un òf mas di e artíkulonan aki por mèldu na polis via meil [email protected] òf na warda di polis” asina KPCN a skibi.

Prueba

Na mes momento, polis ta bisa ku esnan ku ta mèldu nan mes komo doño legítimo di e pertenensianan aki, mester por prueba ku e artíkulo aki ta pertenesé na nan. Esaki por pa medio di un keho resien hasí, portrèt, faktura di pago òf number di seri òf algu por estilo.