KRALENDIJK – Korps Karibisch Nederland (KPCN) a hasi un yamada pa tur esnan ku ta disfruntando di Regatta 2024, pa hasi esaki den un maner a sigur.

Polis ta rekordá tur hende di e importansia di seguridat riba kaminda i di sigui e regla di trafiko. Shofùr di vehikulo ta wòrdu supliká pa no bebe alkohòl ora nan ta stür, usa faha di seguridat i transportá mucha na un manera sigur. Tambe polis ta hasi un apelashon riba mayornan pa papia ku nan yunan tokante komportashon peligroso riba kaminda.

Banda di aktividat, ta pidi pa usa bekers reusabel i parké auto den un manera sigur. KPCN ta rekordá tambe ku no tin mag di move barikada, i ku baskel i skuter ta prohibí den árean será. “Polis no ta tolerá violensia òf agresion i ta pido pa koperá pa tin un  Regatta sigur,” segun bosero di polis a bisa.