PHILIPSBURG – Prensès Beatrix, ku na komienso di otro aña ta hasi 87 aña, ta keda remarkablemente aktivo. Despues di a sali un anochi na Amsterdam, kaminda e tabata wéspet di honor na e Balletgala, el a subi avion ayera mainta direkshon di Sint Maarten pa un bishita di trabou di tres dia.

Mèrdia Beatrix a aterisá na Aeropuerto Internashonal Prensès Juliana, ku a haña e nòmber di su mama. Esaki ta un sitio spesial pa e prensès, ya ku ta e mes a inougurá na 2006 e terminal nobo di e aeropuerto. Na 2017 orkan Irma a hasi daño pisá na e aeropuerto, pero despues di renobashonnan intensivo e ta kompletamente rehabilitá awor. Mañan Beatrix lo tin e reapertura ofisial na su enkargo, un momento ku ta simbóliko pa tantu e isla komo su laso personal ku e region aki.

Pero e bishita di trabou aki no ta trata solamente e reapertura di e aeropuerto. Prensès Beatrix  pa añanan largu kaba ta hasi esfuerso pa konservashon di naturalesa den área di Karibe i ta bishitá e dianan benidero diferente proyekto di Dutch Caribbean Nature Alliance (DCNA), di kua e ta madrina. E organisashon aki ta dirigí su mes riba konservashon di e naturalesa úniko riba e islanan, i for di su apdikashon na 2013 Beatrix a bishitá práktikamente tur isla di anterior Antia Hulandes pa demostrá su embolbimentu.

Saba

Djabièrnè Beatrix ta tèrminá su bishita ku un ekskurshon pa Saba. E ta kontinuá su biahe ku un avion di propèler chikitu, ya ku e Gulfstream ku el a yega kuné ayera no por aterisá riba e pista kòrtiki aki. E reto aki ta forma djis un parti chikitu di su bishita dinámiko, kaminda e prensès ta hasi esfuerso atrobe pa konservashon di naturalesa i edukashon den region.