KRALENDIJK- Tin hopi preparashon ta tumando lugá ultimo dianan aki, pa bendementu di klapchi na Boneiru, apesar ku e situashon no ta manera kustumber.

Por komprondé ku tin ménos kantidat di klapchi ta bin pa Boneiru e aña aki, kompará ku e kantidat ku tabata bini. Aparte di kantidat ménos, e kònteiner nan di klapchi no ta yega na tempu pa por atendé tur kos i kuminsá ku e bendementu dia 27 di desèmber mainta trempan. 

Ta interesante pa wak kon tur kos ta bai kana ku e diferente medidanan ku tin, relashoná ku bendementu di klapchi i aktividatnan di tiramentu di pagara otro siman, fin di aña 2021.