Kralendijk, Fundashon Mariadal ta bai ampliá su departamentu di Kuido Spesial – Special Care – pa por atendé ku e oumentu drástiko di e kantidat di pashènt di Covid.

Pa e motibu aki mester posponé un parti di e tratamentunan di durante dia i e operashonnan ku no ta di emergensia. E poliklínikanan òf spesialistanan ta informá e pashèntnan konserní di esaki.

Banda di esaki a hasi palabrashonnan ku nos islanan ruman pa por salbaguardá kuido. Si resultá ku esaki ta nesesario, ta aktivá e palabrashonnan aki.

Keho serio

Ta supliká personanan ku a tèst positivo pa e vírùs di corona i ku tin keho ku kada biaha ta bira mas serio, pa tene bon kontakto ku nan dòkter di kas. Pa kita preshon for di riba Ayudo di Emergensia, Fundashon Mariadal ta supliká e pashèntnan aki pa disidí pa bini hòspital te despues ku nan a konsultá ku nan dòkter di kas. Un biaha mas Fundashon Mariadal ta hasi un yamada riba tur hende pa tene distansia, bisti un tapaboka ora esei ta nesesario i laba man frekuentemente. Mirando seriedat di e situashon, ku énfasis ta supliká tambe tur habitante pa laga bakuná nan mes kontra Covid-19.    

Lesa tambe:

• 
  Thuersten Winklaar ta bringa pa e título di Kampion Hulandes na Den Haag
• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon