KRALENDIJK- Stichting Jeugdwerk Jong Bonaire, dia 25 di mei, a presentá un grandioso feria, prepará pa e hóbennan ku a partisipá na e kurso di ‘Hóben Empresario’. 

E aktividat ta kulminashon di un periodo ku un grupo di hóben a pasa un kurso ya menshoná.
Nan a prepará pa esaki durante 3 luna den kuadro di en kurso ku nan a pasa. 6 hóben a partisipá na e kurso. Promé nan a siña tur kosnan básiko. Nan a bishita diferente kompania pa gara informashon. Di e manera aki, nan a haña mas motivashon pa nan kuminsá nan propio negoshi.  

Edat di esnan ku a partisipá ta varia di 14 pa 22 aña. Na final, nan a bishitá Kámara di komèrsio i a risibí informashon, kiko ta nesesario pa por kuminsá un negoshi. 

Entusiasmá

E hóbennan tabata hopi entusiasmá ku e proyekto. Nan mes a prepará na final, e feria den su totalidat. Kushinamentu, obra di man, arte i bendementu di mata. Ta pa promé biaha ku a duna e kurso i e plan ta pa kontinuá ku e tipo di kurso aki, segun Ruthsaida van Heyningen di Excellence Consultancy Coaching and Communication a konta. 

Van Heyningen, huntu ku Marc Henriquez,  lider di aktividat na Jong Bonaire, a konta nan eksperensia ku e hóbennan ku a pasa e kurso. Durante e atardi un grupo di brasbènt tambe a animá e ambiente i paden di Jong Bonaire tabatin presentá shon di baile.