KRALENDIJK- Riba djasabra studiantenan di MBO, Helpende Zorg en Welzijn i Medewerker Sport en Recreatie, a organisá un aktividat na skol, ku a karga e nòmber ‘adoptiegrootouder’. 

Ta trata di un proyekto nobo na Boneiru, pa adoptá adulto mayor, durante 6 luna largu. E hóbennan ta bai bishitá, esnan ku nan a sera konosí kuné riba e dia. Hóbennan di e klasnan menshoná, ta bai kas serka e adulto mayor. Promé biaha ta hasi esaki i djasabra tabata apertura i 13 òktober, ta promé dia ku nan a topa e adulto mayor na su kas. 

E hóbennan tabata presente na skol i e adulto mayornan, pa tende i pasa informashon pa e generashon siguiente. Aparte di e sekshon di informashon, tabatin animashon di kaha di Òrgel Rincon e mainta. 

Hendenan a balia i gosa e mainta. Na kada mesa, tabatin 1 òf 2 alumno di MBO presente. Diferente dosente tabata presente durante e mainta. Dosentenan presente tabata; Liset de Keijzer, unitdirecteur, Lianne Dam, unitdirecteur, Vanessa Danie, teamleider zorg en welzijn, dienstverlening en Media Suzette Bergland-Balentin, docent Dienstverlening (organisator samen met team Dienstverlening van project Adoptie Ouderen) in samenwerking met de docenten Monica Clarinda, Tom Verbeek, Dietrich Winklaar en onderwijsassistent Guillauma Coffie.

Nan a bisa ku tabata un tremendo mainta, tur hende tabata kontentu i a gosa un mundu huntu ku e adulto mayornan.