KRALENDIJK- Qredits, ku sosten di Ministerio di Asuntonan Ekonomiko i Klimaat, ta lansa,un programa nobo di edukashon yama ‘Introduction to Entrepreneurship’. E programa aki tin e meta pa duna hende sin konosementu di hasimentu di negoshi oportunidat pa partisipá den ‘Small Business Academy’ òf otro programa ku ta sigui. 

E kurso lo ofresé partisipantenan un base di habilidatnan di hasimentu di negoshi, ku temanan manera merkadeo, maneho finansiero i kompilashon di un Business Model Canvas. 

Supsidio

E ministerio ta supsidiá un parti di e gastunan pa promové desaroyo ekonómiko na islanan BES. E programa ta inkluí e-learning, seshonan klasikal i un pitch final ku mester presentá pa un pènel di eksperto.