KRALENDIJK – Boneiru tin mester di mas buelonan, pero atkualmente ta algu difísil pa atraé kompanianan di aviashon nobo òf pa haña esakinan pa oumentá e buelonan eksistente.

Esaki direktoro di BIA, Maarten van der Scheer, a bisa durante informashon trimestral riba sifranan di turismo djamars. “Awor no ta fásil pa haña mas buelonan pa Boneiru. E problemanan ta resultá for di situashon ku a surgi despues di Covid-19. Ta difísil pa kompanianan di avion pa haña mas piloto, piesa i téknikonan, pasobra tin eskasedat global.”

Kombersashon

Pero ainda, TCB i BIA ta den konbersashon ku posibel partnernan manera Winair, Jetblue i Westjet. Direktor di TCB, Miles Mercera, tambe a enfatisá durante su presentashon ku pa logra mas buelo ta importa pa mantene e desaryoy positivo di turismo na Boneiru.