KRALENDIJK – Relato anual di Ministerio Públiko (OM)  ainda no ta aksesibel pa públiko. E motibu ta ku Ministerio di Hustisia i Siguridat na Hulanda ainda no a aprobá e relato aki.

Importante

E relato anual ta importante pasombra esaki ta duna komunidat un bon imágen kon Ministerio Públiko a funshoná na aña 2020. Pero tambe por haña un bista di proyektonan i plannan di e entidat aki pa ku futuro.

Remarkabel ta ku Ministerio Públiko di Hulanda si a saka nan relato anual riba 11 di mei último. Na luna di ougùstùs ainda Ministerio Públiko BES no por publiká nan relato.

“Ministerio di Hustisia i Siguridat normalmente ta debolbé nos e relato den luna di aprel òf mei. Nos no sa e motibu dikon e aña aki a surgi tardansa”, Roderick Gouverneur ta bisa. E ta bosero di Ministerio Públiko. Por lo pronto no tin klaridat tokante un fecha definitivo ku OM lo publiká su relato anual.