ORANJESTAD – Reorganisashon di sektor públiko na Aruba ta bai poko poko pa motibu ku e kapasidat di kordiná i traha maneho di e aparato di ámtenar ta suak. Esei e Organisashon di Trabou temporal di Hulanda (TWO), ku ta supervisá ehekushon di e ‘landspakket’, ta bisa. 

TWO Nederland ta konstatá ku Aruba mes ta mustra riba e disponibilidat limitá di e kapasidat atministrativo, mientras e sektor públiko si ta hopi amplio riba e isla. 

Pa e motibu ei por hasi uso di tiki hende pa e trabounan ku e ‘landspakket’ ta eksihí. Esaki ta konfirmá  segun TWO Nederland e importansha di reorganisashon di e sektor públiko manera ta pará den e ‘landspakket’. 

Pasobra e reorganisashon aki ta eksihí tempu i koutela i no por finalis’é riba término korto. TWO Nederland ta hibando kòmbersashonnan tokante sosten di kapasidat den forma por ehèmpel di mènedjernan di programa i perítonan ku saber di kontenido di e diferente temanan.