KRALENDIJK- Fernando Ponz Cantó a bishitá Boneiru komo representante di Union Oropeo. Ponz Cantó, kende ta stashoná na Guyana, tabata na Boneiru pa finalisashon ofisial di e tubunan di irigashon di e di nuebe proyekto di EDF, konosí komo Bonaire Sewerage and Sanitation Project (Proyekto di Kloaka i Saniamentu Boneiru). 

E delegashon di Union Oropeo na Guyana ta forma parti di e Servisio Oropeo pa Akshon Eksterno (European External Action Service – EEAS) i ta un di e mas ku 140 delegashonnan di Union Oropeo rònt mundu. 

Koperashon

E delegashon ta representá Union Oropeo den tur asuntu ku ta kai bou di su kompetensia. E ta promové aktivamente e balornan i maneho di Union Oropeo, den un partisipashon habrí i ekivalente ku gobièrnunan i habitantenan di e paisnan ku kua e ta akreditá. E ta hunga un ròl klave na momentu di ehekushon di programanan di koperashon i maneho komersial di Union Oropeo ku ta enfoká riba kombatimentu di pobresa i riba integrashon fleksibel i gradual di e paisnan den ekonomia mundial.