KRALENDIJK – E kantidat di  resultadonan positivo di tèst a baha un tiki luna pasá na Aruba, Kòrsou i Sint Maarten. En kambio riba e tres islanan BES e kantidat a subi un tiki. Total a registrá 4.688 resultado di kasonan di tèst positivo  riba e islanan. Asina ta pará den e resúmen di luna di RIVM.

Un gran mayoria di e kantidat di e 3.551 kasonan positivo a bini di Aruba. Na luna di mei nan tabatin ainda 5.000 kaso di resultado di tèst positivo. E  gran kantidat di tèstnan positivo probablemente ta debí na e desishon ku pasaheronan pa òf for di Estados Unido te ku 1 di yüli tabata obligá pa hasi tèst.

For di momentu ku a kambia e maneho pa biaha, tantu Aruba komo Sint Maarten tin ménos resultado di tèst positivo i un motibu pa tèst positivo mas haltu. Na Aruba i islanan BES tèstmentu ainda ta gratis i asesíbel. Na Kòrsou i Sint Maarten Salubridat Públiko no ta tèst mas na gran eskala. Ta tèst segun indikashon di dòkter di kas òf hòspital. Banda di esei ta tèst komersialmente tambe.

Variantenan

Despues ku na luna di mei a detektá riba e islanan e promé infekshonnan ku Omikron B, a detektá den transkurso di luna di yüni e promé infekshonnan ku Omikron A tambe.

Desde siman 12 no a realisá “kiemsurveillance”  mas pa Sint Eustatius.  For di komienso di aña Saba no a entregá “kiemsurveillance”,  komo ku e isla ta hasi uso di tèst antígeno. Ta premirá ku e kantidat di variantenan aki lo sigui subi den e lunanan benidero.

Kòrsou 

For di 1 di yüni Kòrsou a stòp ku Investigashon di fuente i kontakto i 4 di yüni a stòp ku tèstmentu na gran eskala. Esaki a kondusí na un bahada den menshon di kasonan positivo. E luna ku a pasa e isla a registrá 595 resultado di tèst posotivo nobo. Esaki ta konsiderablement ménos ku e kantidat na luna di mei (1.683).

Den e último siman di yüni i promé dianan di yüli di kada 100.000 habitante na Kòrsou 71 persona a haña un resultado di tèst positivo i e motibu pa tèst tabata 23 porshento.  Okupashon di hòspital riba e isla a mengua último luna. Den luna di yüni tabatin ménos ku sinku kaso relashoná ku Covid19 i a registrá ménos ku sinku fayesimentu.

Aruba

Na Aruba e averahe di 7 dia a baha for di final di yüni i esei ta debí por parti na e eliminashon di obligashon pa tèst di pasaheronan ku ta regresá for di Estados Unido.

Pero e kantidat di hospitalisashon ta tres biaha mas haltu e último luna kompará ku luna di mei. Na luna di yüni a registrá 3.551 resultdo di kasonan positivo, kompará ku 1.948 na luna di mei.

Na luna di yüni a interná 68 persona ku corona den hòspital, kompará ku 21 hospitalisashon e luna anterior.

A registrá 7 kaso nobo di fayesimentu a konsekuensia di covid19, mientras ku un luna promé e kantidat tabata ménos ku sinku.

Den último siman di yüni i promé dianan di yüli di kada 100.000 habitante di Aruba 222 persona a haña un resultado di tèst positivo i e motibu pa tèst bou di e habitantenan tabata 47 porshento.

Sint Maarten

Sint Maarten a stòp ratu kaba ku tèstmentu na gran eskala. Den luna di yüni e kantidat di resultadonan di tèst positivo a baha i e motibu pa tèst a subi. For di final di yüni e kantidat di tèstnan positivo ta sigui baha i esaki por parti ta debí na eliminashon di obligashon pa tèst pa pasaheronan ku ta bini for di òf ta regresá Estados Unido.

E isla a registrá na luna di yüni 236 resultado di tèst positivo, djesdos hospitalisashon relatá ku covid19 i no tabatin kaso di fayesimentu a konsekuensia di corona.

Den último siman di yüni i e promé dianan di yüli di kada 100.000 habitante di Sint Maarten 34 persona a haña un resultado di tèst positivo i e motibu pa tèst tabata shete porshento.

BES

Na Boneiru e kantidat di resultadonan positivo di tèst a subi poko den luna di yüni. A registrá 224 resultadonan di tèst positivo, sinku hospitalisashon relatá ku corona i no tabatin fayesimentu a konsekuensia di covid19.

Den último siman di yüni i promé dianan di yüli di kada 100.000 habitante di Boneiru 306 a haña un resultado di tèst positivo i e motibu pa tèst tabata 72 porshento.

E kantidat di resultado di tèst positivo a subi un tiki  na luna di yüni. Último luna a registrá 65 kaso nobo. Den último siman di yüni i promé dianan di yüli di kada 100.000 habitante di St. Eustatius 575 persona a haña covid i e motibu pa tèst tabata trinta porshento. E isla a registrá den yüni menos ku sinku hospitalisashon pa motibu di corona i no tabatin kaso di fayesimentu.

Na Saba  a registrá 21 resultado di tèst positivo nobo. Den último siman di yüni i promé dianan di yüli di kada 100.000 habitante 469 a haña corona i e motibu pa tèst tabata djesdos porshento. Na Saba a interná den hòspital den luna di yüni tres pashènt ku kondishonnan di covid19.