DEN HAAG – Sekretario di estado Maarten van Ooijen di e Ministerio di Salubridat, Bienestar i Deporte (VWS) ta hasi un bishita di trabou na Sint Eustatius, Boneiru i Aruba di 20 te ku 25 di yüni. Kuido, kuido di hóben i kombate di violensia doméstiko den e parti Karibense di Reino, banda di e Konsulta di Kuater Pais anual, ta temanan prinsipal di e bishita- i kòmbersashonnan ku a plania.  

Sint Eustatius

Riba djaluna 20 di yüni e bishita ta start ku un enkuentro ku Komisario di Gobièrnu Sentral suplente i Sekretario Insular di Sint Eustatius. E siguiente dia e Sekretario di Estado ta bishitá Sint Eustatius Healthcare Foundation i Auxilliary Home i e ta hiba un kòmbersashon di mesa rondó ku diferente partido tokante di kuido pa habitante di Sint Eustatius. Despues a plania enkuentro ku Konseho Insular i Social Support Unit (Unidat pa Sosten Sosial) di Entidat Públiko. Tambe e lo bishitá e lokalidat pa alohamentu di víktima di violensia doméstiko i un organisashon pa aktividat despues di ora di skol pa hóben. 

Boneiru

Djamars 22 di yüni Sekretario di Estado van Ooijen ta kuminsá e dia ku un enkuentro ku Kolegio Ehekutivo di Boneiru. Despues e lo bishitá e organisashon nobo Sentro Akseso unda lo papia tokante fortifikashon di prevenshon i tambe ayudo i sosten aksesibel. Kuido residensial pa hóben ta tópiko di bishita na Stichting Project i kuido pa mucha den akohida di mucha durante bishita na un lokalidat pa akohida despues di skol. Durante e bishita na Fundashon Mariadal i Kas di Kuido e Sekretario di Estado ta sera konosí ku e forma ku kuido di hòspital i di grandinan na Boneiru ta organisá. Lo sera e dia aki ku apertura festivo di un fèlt di béisbòl pa hóben na Ama. 

Djárason 23 di yüni e Sekretario di Estado ta hasi un bishita di kas ku Zorg en Welzijn Groep i e ta bishitá FKPD na Rincon i na Playa pa duna e señal pa kuminsá ku renobashon di e edifisio pa pasatempu diario pa hende ku limitashon. 

Aruba

Na Aruba e Sekretario di Estado riba mesun atardi ta haña un rekorido den Horacio Oduber Hospital i e lo bishitá gobernador H.E. sr. A. Boekhoudt. 

Anochi e Sekretario di Estado lo sena huntu ku e ministernan enkargá ku Salubridat di Aruba, Kòrsou i Sint Maarten. E siguiente dia e Konsulta intergubernamental di Kuater Pais ta tuma lugá unda e mandatarionan konserní lo firma un dokumento di konklushon ku palabrashonnan hasí riba tereno di Salubridat Públiko. Riba e delaster dia di e bishita e Sekretario di Estado lo bishitá un sentro ortopedagógiko i hiba kòmbersashon ku Kindertelefoon (liña di telefòn pa mucha) Aruba en konekshon ku e kolaborashon pa establesé un liña di telefòn pa mucha BE