KRALENDIJK – Siman pasá, Staatssekretaris Zsolt Szabó a duna su aprobashon na e presupuèsto adaptá pa aña 2024.

E aprobashon di e sekretario di estado a bini despues di un konseho positivo di parti di Kolegio di Supervishon Finansiero (Cft). Den un karta datá di 30 di sèptèmber, Szabó ta ekspresá su satisfakshon tokante e manera kon kosnan a kana.

“E prognóstiko multi-anual aki ta mustra un saldo positivo pa e añanan 2025 te ku 2027. Además, Boneiru a duna klaridat riba ki efekto e kambionan den maneho proponé lo tin pa kada aña. Hasiendo esaki, e presupuesto ta duna un mihó bista di e situashon finasiero i  kua fondonan ta relashoná ku kua maneho,” segun e karta di e Szabó. 

Satisfecho

Szabó a indika tambe ku nCft a ekspresá satisfakshon riba e manera ku Boneiru a sigui e konsehonan ku a ser duná pa kompilá su presupuesto.