KRALENDIJK- Djabièrnè 19 di ougùstùs 2022 Selibon N.V. i sindikato AFBW a firma e akuerdo di prinsipio pa Kontrato Kolektivo di Trabou (CAO)  nobo pa aña 2022. 

Selibon ta nota ku pa e kompania, esaki ta un paso sumamente importante i un bia mas ta demonstrá ku interes di kada empleado i bon palabrashon ta prioridat di e kompania. Selibon ta kontentu ku e resultado di negosiashon ku sindikato AFBW i ta determiná pa konkretisá e Kontrato Kolektivo di Trabou kompletamente. 

Manera ta konosí durante negosiashon pa ku e CAO, a surgi opstákulo lokual a okashoná ku Selibon i sindikato AFBW a drenta den un impase. Un situashon basta fèrfelu i ku tabatin influensia riba entre otro servisionan pa rekohé di shushi. No opstante publisidat negativo Selibon a demonstrá profeshonalismo i a keda kumpli ku e protokòl mará na  e proseso di negosiashon pa ku Kontrato Kolektivo di Trabou.