KRALENDIJK – Entrante promé di febrüari tin un repartishon nobo di polisnan di bario di Kuerpo Polisial Hulanda Karibense na Boneiru. Kada tantu tempu ta hasi un kambio den barionan pa asina e polis di bario por sera konosí ku e barionan ku ta kai bou di kada un di nan, nan habitantenan i tambe nan desafionan pa asina por yuda tuma akshon kaminda i na momentu ku ta nesesario. Na Sint Eustatius un polis di bario a bini aserka i na Saba el a keda meskos. 

P’esei for di e siman aki a start ku un kampaña pa informá komunidat tokante e polis di bario, pero pa informá tambe tokante entre otro, e tareanan di e polis di bario i den kua situashon i kon bo por drenta den kontakto ku nan. E polisnan di bario ta bai profilá na mes individualmente pa asina nan ta mihó konosí i visibel den nan área di trabou.

Pa siman ta toka turno na e polis di bario den e sekuensia manera preskribí den e lista aki bou. Tira un bista riba e página di Facebook: Korps Politie Caribisch Nederland i skucha radio emisoranan pa mas informashon. 

Fransiscus Nous/Dwayne Lindo – Sint Eustatius

Ronald Schleper                    – Playa              

Claudette Raphaela             – Tera Kòrá       

Edson Frans                           – Rincon            

Irvin Anthonij                        – Nort Saliña     

Eugene Granviel                    – Amboina        

Victoriano Statie                   – Antriol    

Victoria Melaan – Saba        

Ku polis di bario, Kuerpo Polisial Hulanda Karibense kier duna abo komo siudadano di bo bario e sintimentu di siguridat i trankilidat pa biba. E polis di bario ke ta mas serka di bo, ke yuda pensa ku bo i ke ta atento pa kualke situashon ku por surgi. Mas presensia di polis den bario ta aportá na un mihó komunidat i un mihó isla.

Pa mas informashon tokante polis di bario bishitá www.politiecn.com.