Rijksinspectie Digitale Infrastructuur a konstatá ku tin antèna parabóliko di Starlink den uso na Hulanda Karibense. Na e momentunan aki Starlink no tin un pèrmit pa ofresé servisio di internèt a base di e Lei di telekomunikashon BES.

“No ta prohibí pa ta den posishon di un antèna parabóliko, pero no ta permití pa hasi uso di servisio di internèt di Starlink mientrastantu ku Starlink no tin pèrmit”, asina inspekshon a bisa.

Starlink mes a informá usuarionan na Hulanda Karibense tokante e uso sin outorisashon di e ekiponan di Starlink i e violashon di e kondishonnan di usuario. Esaki ta nifiká ku Starlink lo terminá e servisio di internèt.