KRALENDIJK – Sky High Aviation di Repúblika Dominikana, ku ta bula dos biaha pa siman entre Repúblika Dominikana i Aeropuerto Flamingo di Boneiru resiemente a bira mas generoso den términonan di peso di maleta ku ta permití den bodega. 

Pasaheronan riba tur rutanan di e aerolínea awor por check-in un maleta ku por pisa te ku 32 kilo. Anteriormente, esaki tabata limitá na un peso di 23 kilo. 

Aunke e aerolínea, fundá na 2012, a pasa un komienso difísil, nan a krese prosperamente den e último añanan. E kompania awor ya ta bulando pa 19 destinashon den region i Merka. 

Flota

Aktualmente, e flota di Sky High ta konsistí di avionnan relativamente moderno, manera Embraer 145 ku tin 50 asiento i Embraer 190 ku tin 100 asiento.