Kralendijk- Ta un hende so a tèst positivo djasabra di un total di 19 tèst ku a ehekutá, loke ta kondusí na un porsentahe positivo di solamente 5%.

E kantidat di kasonan total tambe ta sigui baha i a yega 58 riba djadumingu. E pregunta ta, kiko gobièrno ta bai hasi awor ku e kasonan ta sigui baha.

Den konferensia di prensa gezaghèber Edison Rijna a bisa ku e mantene reglanan estrikto te ora 85% di hende adulto a kaba di bakuná. Sinembargo lo ta hopi strañ pa keda mantené medidanan di nivel 5, si e kantidat di hende infektá ta hopi abou.