KRALENDIJK – Kuerpo Polisial Hulanda Karibense (KPCN) a detené dos sospechoso. Djis despues hues komisario a hasi entradanan hudisial den un negoshi i dos bibienda. Tambe a pone beslag riba vários propiedat.

E detenshon i entradanan hudisial a tuma lugá relashoná ku un investigashon penal yamá “Holmpton”. Tin sospecho ku diferente persona natural i hurídiko a hasi nan mes kulpabel na froude di belasten, malversashon di kantidatnan di plaka supstansial i labamentu di plaka optené dor di delitu. E investigashon ta andando. No ta ekskluí mas detenshon i entradanan hudisial.
Servisio di Inteligensia i Investigashon Fiskal (FIOD) ta ehekutá investigashon “Holmpton” den koperashon ku KPCN i bou di guia di fiskal di Ministerio Públiko BES.

Den e lucha kontra kriminalidat (finansiero) ku ta destabilisá, Ministerio Públiko BES ta intensivá su enfoke di froude en general i froude di belasten en partikular. Sentral den esaki ta despohá propiedat optené dor di delitu: kriminalidat no tin mag di rekompensá.