KRALENDIJK – Danki na buelonan di WINAIR ku resientemente a keda reintrodusí, e islanan di St. Maarten, Saba, i St. Eustatius awor ta mas alkanzabel. Pero e buelonan ta ofresé konekshon pa otro destinashonnan den area di Karibe, ku ta keda sirbí pa WINAIR.

Esaki Statian Manager di WINAIR na Kòrsou, Steve Sloop, a bisa durante introdukshon di e buelonan djadumingu último. “Awor ta posibel pa biaha pa Islariba den 1 dia, òf pa bini bèk for di Islariba den un solo dia.”

Sloop a mustra tambe riba e echo ku via St. Maarten, por yega tambe na otro islanan ku WINAIR ta sirbi. Ta trata aki di islanan manera St. Barths, Dominica, i Anguilla. Pasahero mester kambia di avion si na aeropuerto di St. Maarten pa logra esaki.

Riesgo

E buelonan di WINAIR ta eliminá e riesgo ku biaheronan for di Boneiru tabata tin te ku awor aki, ora nan tabata bula ku dos diferente aerolinia. Pasahero ku tabata bula for di Boneiru pa Kòrsou ku Divi Divi of EZ Air, pa sigui ku WINAIR of JetAir, no tabatin konekshon garantizá.

Awor ku WINAIR mes ta bulando pa Boneiru atrobe, si por papia di un konekshon garantisá. Promé ku pandèmia di COVID-19, ya WINAIR tabata ofresé buelo pa algun tempu kaba pa i for di Boneiru. Manera tabata e kaso ku hopi buelo, esakinan a wòrdu kanselá na inisio di e krisis mundial ku e pandemia a kousa den aviashon mundial.