WILLEMSTAD – A detené dos hòmber ayera despues di un persekushon ku a bin finalisá den Sabasteeg den Otrabanda. Esnan ku konosé e bario sa ku e kaya no tin salida, pero esei e hòmbernan aparentemente no tabata sa.

Un ratu promé a ordená nan pa para durante un kòntròl di polis regular den Otrabanda, pero nan a disidí di kore bai. I nan a manda outo stret riba e polisnan. Polis a start mésora un persekushon ku no a dura largu.

Por a detené e shofùr den Sabasteeg i a detené e pasahero ku a bula for di e outo na stadion di Rif. Den e outo polisnan a haña droga. A konfiská e outo i e droga i a detené e dos personanan aki.