KRALENDIJK – E taksi di awa ku ta nabegá entre Boneiru i Klein Bonaire ta haña un parada èkstra. Desde awor e ta sali tambe for di Watersport Center Bonaire, ku ta situá riba e tereno di Courtyard by Marriott. Einan tin sufisiente lugá di stashoná outo disponibel. E parada nobo ta serka di hopi akomodashon na parti suit di e isla.

For di e parada nobo lo tin dos salida pa dia. Na kaminda lo hasi un stòp kòrtiku den sentro di Kralendijk.