KRALENDIJK – Ounke ku e desishon pa kambia e Ordenansa ku ta regulá e asina yamá Visitor Entry Tax a keda kambiá pa Konseho Insular, awor Tourism Corporation Bonaire (TCB) a komuniká e notisia aki via di tur su kanalnan.  

For di promé di yüli 2022, bishitante ku no ta biba na Boneiru òf un di e islanan hermana, mester a paga un impuesto di dòler pa persona pa kada bishita. Esaki tabata konta pa kada entrada, ounke sea ku e turista a bai hasi un bishita korto na un di e otro islanan, pa bolbe bèk Boneiru.  

E balides di e kódigo QR wòrdu extendé i awor ta bálido pa 30 dia for di e promé fecha di entrada ku e kódigo wòrdu di skèn. Bishitantente awor por hasi bishitanan na otro destinashon den region dentro di 30 dia, sin mester paga bolbe paga e impuesto ora di yega bèk Boneiru. TCB ta advertí ku den kaso di bolbe drenta ku e código QR ku a wòrdu di skèn kaba, lo pidi un dokumento di identifikashon pa verifiká ku e kódigo ta realmente na nòmber di e biahero. 

Spar tempu

TCB ta stimulá bishitantenan pa paga e Impuesto di Entrada pa Bishitante online via e website ofisial promé ku yegada, via di https://tourismtax.bonairegov.com/. E impuesto por paga solamente ku tarheta. No ta akspetá plaka efektivo.