KRALENDIJK – Tourism Corporation Bonaire (TCB) a partisipá na un roadshow di merkadeo ku a dura un siman na New York, den kolaborashon ku partnernan di sektor privá.

E meta prinsipal di e roadshow aki tabata pa promové e buelonan nobo di JetBlue for di New York pa Boneiru, ku lo kuminsá dia 5 di novèmber próksimo.

For di 9 te 13 di sèptèmber, TCB i vários resort i operadó di tour na Boneiru a partisipá den evento interaktivo ku medionan, influencer i agentenan di benta mayor di New York, kaminda e partisipantenan a siña konosé kultura i atrakshonnan di Boneiru.

Región Tri-State

E delegashon tambe a tene reuniónnan ku JetBlue i e buro di marketing Arena Destination Marketing pa diskutí e futuro esfuerzonan di merkadeo i oportunidat MICE, ku e meta pa atraé mas bishitante for di región Tri-State.