KRALENDIJK – For di promé di mèi te ku fin di òktober ta prohibí pa lei pa kohe kref den e awanan ku ta rondoná Boneiru, Klein Bonaire i Lac.

E periodo akí ta e temporada di par pa kref komo ku nan ta reprodusí ora laman ta mas kayente. E kref femenino por produsí shen mil webu. Esaki por sosodé dos biaha durante e temporada. Pa e motibu akí krefnan ta kategorisá komo espesie protehá pa sòru ku nan por haña yu sin problema i garantisá e kresementu salú di populashon di kref den futuro. 

Nos ta pidi komunidat pa sostené i respetá e lei akí dor di no kohe, kumpra, sirbi, bende òf kome kref durante e temporada akí.