KRALENDIJK – Entidat Públiko Boneiru (EPB) tin un sospecho kresiente ku e kandelanan na lèntfil i na Morotin no tuma lugá sin mas, pero ku esakinan a wórdu sendé intenshonalmente. 

Esei ta loke gezaghèber John Soliano a bisa durante un konferensia di prèns spesial ku a yama pa djasabra atardi.  Segun Soliano, ta kada bes mas probabel ku por papia di aktonan di mala fe. Esaki entre otro pa motibu Morotin, serka di Rincon, ya pa hopi tempu no ta ni wòrdu usá ia pa e echo ku ta nèt den un temporada ku hopi yobida, ku diripiente tin yen di kandela ta lanta. 

Por nota ku den e dianan aki, tin mas i mas rumor ta lantando riba e isla, ku tin algu straño ta pasando.