KRALENDIJK – E siman aki, Boneiru a keda alarmá ku loke a parsé un supueso drive-by shooting, òf sea tiramentu riba viktima for di un outo ku ta move.

Ofisialnan di Kuerpo Polísial Karibe Hulandes (KPCN) a tuma akshon basta lihé i a logra arestá un total di kuater sospechoso den e kaso. Pero, un investigashon mas aleu ta mustra ku e situashon ta diferentere for di e loke ku a pensa inisialmente.

“A resultá ku ehóbennan den e auto konserní tabata den poseshon di un arma di kandela i aksidentalmente bala a sali i heridá un di nan” asina  KPCN a bisa den un komuníkado di prensa riba djabièrnè. E hóben di 17 aña di edat ku a resultá heridá pa bala for di e arma di kandela te ainda ta den eksterior pa tratamentu médiko. Investigashon den e kaso ta kontinuá.

Kuidou

Después di e incidente, KPCN ta bolbe pidi habitantenan pa ta alerta i reportá posesishon di arma di kandele ilegal. 

“Arma di fuegu na man di persona sin autorizashon ta incrementá e riesgo di aksident, manera e kaso aki, i incidente di violencia. E ta pone e seguridad di tur residente den peliger,” un palabranan di un vocero di e Korps Polísia a bisa.