WILLEMSTAD – TUI ta bai konstruí un piso èkstra riba e ofisina prinsipal relativamente nobo na Kòrsou. Mientrastantu Servisio di Maneho Urbano, Regional i di Planifikashon a duna e pèrmit di konstrukshon. 

E ofisina di TUI ta situá na Schottegatweg Oost na Zeelandia. E proyekto di desaroyo aki ta representá un invershon total di kuater mion florin i lo ta kla pa entregá aki un aña.

Ku ehekushon di e proyekto aki ta tene kuenta ku e eksigensianan tékniko di seguridat ku ta nesesario i ta bini 45 lugá di stashoná outo aserka. E desaroyo aki ta kontibuí ku un impulso ekonómiko konsiderabel pa Kòrsou, segun TUI. Durante e fase di konstrukshon e proyekto  ta kontribuí ku trinta kupo di trabou nobo i despues sinkuenta kupo di trabou nobo serka TUI mes, di kua, segun nan ta bisa, nobenta porshento ta personal lokal.