KRALENDIJK – Na luna di ougùstùs 2024, Boneiru a risibí 12.483 turista di estadia, un kresementu di 11% kompará ku e mes luna den 2023, ora e isla tabata risibí 11.213 turista.

Kompará ku ougùstùs 2019, promé di pandemia, ora 11.900 turista a bishita Boneiru, tambe por papia di un kresementu leve. 

Turistanan di Hulanda tabata e grupo mas grandi, ku 51,4% di e total, siguí pa Merikano (21.0%) i bishitante for di Kòrsou (13.8%).

E mayoria di turistanan Hulandes a bin di Noord-Holland, Zuid-Holland i Noord-Brabant, mientras ku esnan for di Merka prinsipalmente a bini di estadonan grandi manera Florida i Texas. E grupo di edat entre 55-64 i 45-54 a dominá entre e bishitantenan.

Kòrsou

Kòrsou ta na e di tres lugar komo pais for di kua e mayoria bishita ta yega Boneiru.