WILLEMSTAD – Un señora mester sinta un aña i mei, di kual nuebe luna kondishonal, despues ku a atrap’é na Hato ku kokaina den su kòrsèt. Esaki a sosodé na luna di sèptèmber, ora e kier a bula pa Bélgika.

Duana di Hato a sinti algu pisá na su kurpa ora ku nan a revis’é despues di e resonansia  i asina a deskubrí e kokaina.

E señora a bisa e funshonario ku e no tabata sa ku tin droga den su kòrsèt i ora ku el a tende ku e no tin nodi di bisa nada el a hasi uso di su derecho di keda ketu.

Wes no a bai di akuerdo ku esaki i a dikta sentensia  segun e eksigensia di Ministerio Públiko.