KRALENDIJK – Frakshon di Union Patriótiko Boneriano (UPB) a manda un lista largu ku preguntanan na gezaghebber John Soliano tokante e manera eksakto kon kosnan ta bai na kompania di gobièrnu Selibon N.V.

Por ehèmpel, e partido ke sa si e èks-direktor a keda dispidí na un manera. Tambe e frakshon bèrdè ke sa si e Bestuurscollege ta di akuerdo ku nombra un directorado interino. Alabes, nan a hasi e pregunta si lo no mester bini  mester bini ku un reklutamentu públiko pa buska i selekshoná kandidato pa e funshon di direktor na e kompania.

Diputado Clark Abraham, ku tambe tin parti di empresanan di gobièrnu den su kartera, a duna un reakshon inicial riba e preguntanan di UPB durante e reunon di e konseho insular djamars anochi, pero a promintí na mes momentu pa duna informashon adishonal den futuro serkano. 

Sorprendé

Ta parse ku Kolehio Ehekutivo mes tambe a keda sorprendí ku  sierto desaroyo na e kompania di gobièrnu, kaminda ya tin un tempu largu ku ta bai den un situashon di instabilidat. 

Mester menshoná tambe ku ni e empeadonan, ni nan sindikato ta mashá kontentu ku e manera ku e kompania ta wòrdu dirigí. Banda di esei e kompania tin diferente reto pa paga su gastunan i ta koriendo aña atras ku entregamentu di su kuentanan anual.