KRALENDIJK – Na Union di Sindikado Boneriano ta drentando varios keho tokante dunadónan di trabou ku lo no ta pagando segun e stipulashonnan di e Lei di Salario Minimo ku a drenta na vigor dia promé di yüli 2024. 

Asina USIBO a risibí keho tokante dunadó di trabou ku ta dividí e pago di e salario den dos, mientras ku otronan unilateralmente a  eliminá benefisionan sekundario manera sèn di fakansi.

Segun USIBO, tin tambe kaso kaminda dunadó di trabou ta pone trahadó traha mas ku 40 ora pa siman pa asina hustifiká e salèrio mínimo. E organisashon sindikal ta enfatisá ku e aktonan aki ta ilegal, i ta urgi  inspektorado di trabou di e undidat di RCN SZW pa tuma medidanan fuerte kontra e violashonnan. 

E sindikatonan uní ta invitá trahadó ku ta sufri di e problema nan aki pa yega serka na sindikato ku nan kontrato di trabou i tambe tur slep di pago pa entregá un keho ofisial. 

Dialogá

E sindikatonan ta indiká ku nan lo purba resolvé e problemanan pa medio di papia ku e dunadónan di trabou konserní. Sei esaki no trese solushon,  lo esksalá e asuntu na Ministerio di Trabou of inkluso tuma paso legal kolektivo den korte.