DEN HAAG – Parlamentario Peter van Haassen di e partido PVV ta kritiká Winair pa su kondukto riba e ruta pa Sint-Eustatius i Saba ku e a deskribí manera monopolístiko.

Segun Van Haassen, entre otro e tarifa haltu ku Winair ta kobra riba e ruta ta fortifiká e isolamentu di e dos islanan. Pa agrega na esaki, e aerolínea resientemente a limitá e transporte di karga di Sint-Maarten pa Sint-Eustatius i Saba, den su esfuerso pa haña un sertifikado IOSA, i pasobra e transporte di karga lo no generá sufisiente ganashi. 

Mihó konèktividat 

Van Haassen ta hasi yamada riba gobièrnu Hulandes, komo ko-propretario di Winair, pa mehorá e konèktividat pa e islanan.