Durante e último añanan, Wardakosta a traha riba implementashon di ekipo nobo pa ehekutá buelo. 

Segun bosero di Wardakosta, un prioridat tabata pa ekipá e unidatnan aki ku ekipo teknológiko modèrno pa yuda den ehekushon di tareanan di Wardakosta, manera kámera nobo ámbos di dia komo nokturno,  sensor óptiko ektensivo, i ekipo di komunikashon mehorá. 

Wardakosta ta bisa ku e ekiponan nobo aki ta hopi adekuá pa operashonnan di salbashon riba laman i tareanan di surviyansa. 

E hélikòpternan nobo ta bini di Bristow Helicopters Limited. Dor di e kontrakt ku Bristow, Wardakosta a asegurá su kapasidat di bula helikòpter pa su servisionan pa 10 aña ku e kompania. 

Avion

Pa loke ta trata e avionnan, Wardakosta a firma un kontrakt ku ISR Support Europe, un kolaborashon entre PAL Aerospace Ltd i e Jetsupport Hulandes. E kontrakt aki ta garantisá servisio di avion pa un periodo di 10 aña. 

Wardakosta a ekspresá su satifakshon ku e kontraktunan nobo i e unidatnan nobo pa eksekutá su tareanan di Wardakosta.