KRALENDIJK – Cadushy Distillery a skohe Wild Bird Rehab Center Bonaire komo e di 10 resipiente di un donashon ku e kompania ta duna na okashon di su di 15-aniversario.

E sentro, fundá na 2018 i manehá pa Elly Albers, ta hunga un ròl krusial den protekshon i rehabilitashon di para na Bònaire, inkluyendo e Flamingo emblemátiko pa e isla.

“Ku e donashon aki nos ke Esaki ta aportá na e Flamingo Conservation Initiative, ku ta konsentré riba flamingo yòn i debil ku ta Sali muchu trempano for di e nèshi. E fondonan lo wòrdu usá pa duna asistensi na e paranan aki,  gastu operashonal i investigashon”, asina direktor di Cadushy, Eric Gietman, a splike tokante motibunan trasi di e donashon.

Ku su donashon, Cadushy Distillery ta demostrá su kompromiso na sostenibilidat i protekshon di naturalesa na Bonaire. Tambe e proruktor di bebida stèrki ta hasi un apleashon riba mas hende pa bishitá Wild Bird Rehab i duna un aporte na e inishativa bunita aki.