PHILIPSBURG – Winair resientemente a anunsiá re-introdukshon a nan akuerdo di kódigo kompartí (code-share) ku e kompania di aviashon hulanes, KLM.

Bou di e akuerdo, pasaheronan por reservá buelo pa destino ku ta wórdu sirbí pa e dos aerolíneanan aki usando un solo pasashi, hasi check-in sea na e bali di Winair òf KLM, i haña nan maleta direktamente na nan destinashon final.

E akuerdo ta fortalesé e konektividat na isla Karibeño manera Saba, St. Eustatius i Tortola vía Aeropuerto Prinses Juliana di Sint Maarten, konsolidando e hùp regional di St. Maarten.

Mas fásil
Direktor di Winair, Hans van de Velde, a enfatisá e bentaha ku e kolaborashon aki ta trese pa pasahero, ofresiendo un eksperiensia di biahe mas fásil i sin komplikashon inesesario.