WILLEMSTAD/PARAMARIBO- E kompania di aviashon Winair, ku su sede prinsipal na Sint Maarten, a firma un akuerdo di koperashon ku Surinam Airways (SLM) di Sürnam. 

Via di e kolaborashon aki, pasaheronan por biaha ku un solo pasashi pa diferente destino ku ta wòrdu sirbí parsialmente pa SLM i parsialmente pa Winair. 

Bou di e akuerdo nobo, pasaheronan di SLM ku ta yega Kòrsou for di Sürinam por kontinuá nan biahe pa Sint Maarten riba mesun dia, i tambe nan por konektá ku e ret di Winair ku ta kubri lugá manera Sint-Eustatius i Saba. 

Ámbos aerolíneas ta primintí un proseso di reservashon efisiente i mihó konektividat pa nan pasaheronan.