Philipsburg- E kompania di aviashon di St. Maarten, Winair, lo bai ehekutá un di dos buelo semanal entre Princess Juliana International Airport (PJIA) i aeropuertonan di Kòrsou i St. Maarten.

Aktualmente e kompania ta ehekutando djies 1 buelo pa siman entre isla Riba i Kòrsou, kombiná ku Aruba. Segun Winair a bisa den un komunikado di prensa, awor ku medidanan pa biaha a bira ménos estrikto, lo agregá un di dos buelo semanal entre e islnanan.

E ruta ta wòrdu ehekutá den koperashon ku e kompania Air Antilles di Guadeloupe.

Antes Winair tabata yega te Boneiru tambe, pero ya pa basta ratu no ta ehekutando e buelo aki mas.