KRALENDIJK – Winair, ku tin su base na St. Maarten, lo introdusí dos buelo semanal di St. Maarten pa Boneiru, sin parada na Kòrsou ku introdukshon di nan skema pa di temporada di wenter. Riba djaweps ku djadumigu e buelo di Winair for di Sint Maarten lo baha na Boneiru promé ku esaki sigui pa Kòrsou.

Sinembargo, ta solamente e buelo for di St. Maarten pa Boneiru lo ta sin eskala. Pa e buelo for di Boneiru den direkshon di Sint Maarten, semper lo tin un parada na Kòrsou, meskos ku ta e kaso awor. Ku e skema nobo di vuelo, e pasahero na e buelo direkente lo gana mas o ménos un ora di tempu.

E konekshon nobo ta parti di un skema di vuelo nobo i mas amplio ku Winair a lansá resientemente den región, inkluyendo pa di promé biaha vuelo pa entre otro Barbados i St. Lucia.

Kòrsou

E kantidat di vuelo entre Boneiru i Kòrsou ku Winair lo keda meskos, esta di tres biaha pa siman. Na tur biaheronan lo por bula tres bes pa siman entre Boneiru, St. Maarten i iKòrsou. Korsou mes si lo  lo haña mas buelo ku tabata e kaso normalmente, ku un total di dies buelo pa siman.