Awe 18 di mart 2021 tin 359 kaso aktivo di Covid-19 na Boneiru. Tur kaso aktivo ta trata di hende di Boneiru. Di e 119 personanan ku a tèst ayera, 40 a resultá di ta positivo.

9 hende a rekuperá di Covid-19. Mientrastantu ya tin 12 persona hospitalisá pa motibu di Covid-19 i 4 hende ta hañando kuido intensivo. Eseaki ta un desaroyo preokupante pasombra asina aki rápidamente ta yega na limite di nos kapasidat di kuido.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona. 

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo. 

---

• 
  Thuersten Winklaar ta bringa pa e título di Kampion Hulandes na Den Haag
• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon