KRALENDIJK – E kompanía di aviashon Z Air ta bai kuminsá ehekushon di buelonan direkto entre Boneiru i Barranquilla na Colombia for di luna di yüli 2024. 

For di e luna ei, tur djaluna por bula bai stret pa Barranuilla i tur djabièrnè por bula stret di Barranquilla pa Boneiru. Esaki segun Tourism Corporation Bonaire, lo mehorá e posibilidatnan di biahe pa pasahero. 

“Nos ta kontentu ku nos por ofresé nos klientenan e ruta nobo akí, ku ta brinda mas fleksibilidat di biahe i ku ta fortifiká e lasonan entre Boneiru i Barranquilla,” asina director di Z Air, René Winkel a bisa. 

Importante

Miles Mercera, direktor di Tourism Corporation Bonaire, tambe ta kontentu ku e ruta nobo. “E buelo direkto nobo akí ta un logro importante pa Boneiru. E ta habri posibilidatnan nobo pa turismo i negoshi, e ta stimulá un relashon mas estrechó ku Barranquilla i e ta mehorá aksesibilidat di nos isla”.