KRALENDIJK – Ku Pasku aserkando, e ambiente di pasku ta lanta’riba atrobe: kalor, solidaridat i atenshon pa otro. Diferente habitante na Boneiru ta yuda otro. Un di e habitantenan ei ta Zulay Nahr. E ke duna ayudo i alegria di pasku na famianan lokal ku ta den situashon difísil. Bo tin òf bo sa tambe di un bunita rekuerdo di pasku pa habitantenan di Boneiru? Tep redakshon.

“Kada aña mi ta hasi un fiesta di kumpleaños pa mi yu,” Nahr ta konta. “E aña aki mi a realisá mi mes ku mi a sobra hopi dekorashon i otro artíkulonan. Na lugá di tira nan afó, mi a disidí di kompartí nan ku un hende ku mester di dje. Den tempu di pasku, tin hendenan aki ku ta pasando den tempunan difísil.” Mi a kolektá kòpi-, slenger-, dekorashon- i balònnan ku a sobra. Nahr a hasi un yamada na Facebook i a topa hopi lihé ku un mama soltera ku shete yu ku por a hasi bon uso di e ayudo. 

E mama tabata enormemente gradesido  i danki na Nahr e por a sorpresá su yu hòmber ku un fiesta ku di otro manera lo no tabata posibel. “El a hasimi hopi kontentu pa mir’é felis,” Nahr ta splika. “El a yena su outo i tabata hopi agradesido.”

Nahr ta desidido pa kontinuá ku e tradishon aki i ta spera ku mas hende ta sigui su ehèmpel. “Podisé e por inspirá hendenan pa kompartí nan artíkulonan di fiesta ku sobra na  lugá di tira nan afó,” e ta agregá.

Pobresa ta un problema

Segun Nahr ta parse ku na Boneiru tin hopi famia ku ta konfrontando retonan. “For di e kambionan di 10-10-2010 hopi famia akinan ta luchando. Tin un diferensia gransi entre pober i riku, i kontribushon pa yu aki ta hopi mas abou ku na Hulanda,” Nahr ku ta hopi preukupá ta splika.

Kiko a pasa na 10-10-2010? 
Dia 10 di òktober 2010 a eliminá Antia Hulandes. Bonaire, Saba i St. Eustatius a bira munisipio spesial di Hulanda. A introdusí dollar Merikano na Boneiru. For di e tempu ei a apliká leinan i reglamentu riba e isla. Hopi famia na Boneiru tin molèster ku e leinan aki. Mas promé e aña aki e salario mínimo a subi. Solamente e preisnan den supermerkado a subi tambe. Gobièrnu a laga sa di bai hasi algu kontra pobresa na Boneiru. E pregunta ta si esei ta logra tambe na e momento aki.

Nahr ta enkurashá otro hende pa duna misa- òf organisashonnan lokal ku ta sostené famianan den nesesidat nan artíkulonan. “E por ta algu chikitu mes. Manera ami a hasi. Kada biaha ku un hende tin un fiesta, ta sobra kos ku por yuda un otro famia,” el a bisa.

Ambiente di Pasku

Ku Pasku aserkando, Nahr ta spera ku su storia ta enkurashá otro hende pa tuma akshon. “Lo ta bunita si mas hende hasi esaki, spesialmente ku Pasku. Esaki por hasi un diferensia grandi pa hopi famia na Boneiru.”