Kralendijk- Despues di un tempu relativamente trankil pa ku kontagionan di Covid-19, djadumingu den un solo shòt tin 17 kaso nobo di Covid na Boneiru, tresiendo e total di kaso na 52.

Segun un komunikado di prensa di Gobièrnu ayera nochi, tin aktualmente 3 klùster relativamente grandi na Boneiru, 2 relatá na klasnan di skol ku a bai den karentena, i un relatá na e klup di fubol hubenil U14.

Aunke ku e kontagio ta trata di hende lokal, segun informashon di gobièrnu ta trata di un kontagio ku a tuma lugá den eksterior. Esaki ke men di ku e fuente ta konosí.

Un total di 75 hende a pasa tèst, di kual 17 a sali positivo. Ketu bai tin un hende hospitalisá pa motibu di Covid na Boneiru.