WILLEMSTAD – Minister di Asuntunan General a informá ku Kòrsou ta haña kasi 35 mion florin, un djesnuebe mion euro, pa invertí den plantanan di tratamentu di awa nobo i reparashon di plantanan eksistente. 

A instalá tres planta di tratamentu di awa na Kòrsou: na Kwartier, Klein Hofje i na sabana di Hato na altura di Tera Kòrá. Solamente e planta na Kwartier ta funshoná un poko ainda.

Hopi awa di riol ta disparsé na Shut, e anterior lugá di dùmp sushi na laman. Banda di deshasí di e awa for di trùknan tin tambe diferente pipa di riol ku ta bai laman. Di e manera aki e awa sushi di henter un bario manera por ehèmpel un Brievengat  ta bai laman sin trat’é. Na kosta nort, pabou di Playa Kanoa i nort di Brievengat tin dos sitio pa deshasí di awa sushi.

E sèn ta bini di Union Europeo i a plania seis aña pa hasi e trabou.