Kralendijk- Ministerio Públiko di Karibe Hulandes (OM BES) te ku e momentu aki a risibí 371 prosès-verbal (p-v) di KPCN, Marechaussee i di Toezicht & Handhaving relashoná ku inkumplimentu di e ordenansa di emergensia / dekreto di gezaghèber di e medidanan di covid.

Mayoría di e prosès-verbal nan aki a keda repartí pa violashon di toke de keda (246 à $ 150,- but), probishon di alkohòl (37 à $ 150,- but), prohibishon di aglomerashon (67 à $ 150,- but) i kombinashon di e infrakshonnan aki (à $ 250,- but).
Kolaboradornan di OM BES ta trahando duru pa prosesa e but nan i pa tuma kontakto ku e personanan ku a kibra ku regla. Na tur OM BES a kobra $ 2.050,- na but. E butnan aki a keda repartí den e periodo ku Boneiru tabata den un nivel di riesgo mas haltu.

Deurwaarder

For di 1 di aprel te ku awe e deurwaarder a entrega 276 karta di but na kas. Por paga e deurwaarder mesora ku karchi por medio di un aparato mobil di swaip ora pasa trese e karta di but na kas. E intenshon di OM BES ta pa dagfar e personanan ku no paga nan but pa bai korte, kuminsando den ougùstùs.