WILLEMSTAD – E rekuperashon di e sektor di hospitalidat i turismo ta kontinuá i mas turista ta bishitando Kòrsou ku promé ku e pandemia. E okupashon promedio a subi segun CHATA den luna di yüli ku 1.2 porshento te na 73.7 porshento.

E organisashon di interes ta bisa ku e sifranan di luna pasá tabata hasta nuebe porshento mihó ku e aña promé ku corona, esta 2019. 

E preis pa kamber promedio luna pasá tabata 195.36 dòler. Kompará ku e mesun luna aña pasá, kaminda un kamber tabata kosta 152 dòler, esaki ta un oumento di 27.8 porshento.

Pa loke ta benta pa kamber tambe por nota un oumentu. Di 110.75 dòler den 2021 pa 143.92 dòler den 2022, pues un oumeni di 29.9 porshento. Kompará ku 2019, nèt promé ku corona un oumentu di hasta 46 porshento.

Djesdos hotèl a raportá en total pa loke ta luna di yüli. Esaki ta representá 2321 kamber òf 48.4 porshento di tur e hotèlnan grandi ku ta raportá okupashon di nan kambernan.