WILLIAMSPORT – E hungadonan di beisbòl di Kòrsou a bati Nicaragua ayera ku 7-2 durante Little League World Series na Williamsport. Man of the match tabata di nobo Davey-Jay Rijke.

17 di ougùstùs tambe a gana Nicaragua ku un score di 2-0 ku un Rijke den un forma fuerte.

Ayera el a bati tres hit, tabatin dos kareda i un punto ku a drenta. Riba montíkulo Rijke tabata intokabel. El a picha e wega kompleto, duna su último batidó tres straik despues ku el a yega su konteo i a finalisá ku 88 tirada

Rijke a tira djessinku strikeout sin base por bola. Kòrsou tabatin en total shete hit riba kuater di Nicaragua.

“Mi ta awor emoshonal awor”, Zaino Everett, mènedjer di Kòrsou ta bisa. “Davey-Jay, mi ta kere den dje. E mucha hòmbernan di Amerika Latino ta un bon tim, p’esei David-Jay tabat’ei. E mester tira gewon straik.”

Ku e derota aki a eliminá Nicaragua for di Little League World Series. Awe 3’or Kòrsou ta hunga un partido di eliminashon  kontra Mexico. E ganadó mester enfrentá e ora ei Taiwan.