WILLEMSTAD – Ofisina di Turista Europeo di Kòrsou, CTBE,  ta muda awe pa Kas di Kòrsou na Den Haag. 

Muryad de Bruin di  Curaçao Tourist Board ta bisa ku esaki tin di haber ku redukshon di gastu, pero tambe ta mas agradabel pa ta den besindario di otro servisionan di gobièrnu.

CTBE ta enfoká riba merkadonan nobo di turista den Hulanda i Europa ku tin interes pa bin pasa fakansi na Kòrsou. Tambe nan ta hasi Kòrsou konosí serka nogoshinan i invershonistanan.